بەرنامەى مەشقى ئەزموونى کار بۆ قوتابیان

 نوێنەرایەتى حکومەتى هەرێمى کوردستان لە وویلایەتە یەکگرتووەکانى ئەمریکا لە کاتى ئێستادا فۆرمى داواکارى ئەو قوتابیانە وەردەگرێت کە حەزدەکەن بەرنامەى مەشقى خوێندن (Internship Program) لە نوێنەرایەتى حکومەتى هەرێمى کوردستان لە واشنتۆن بۆ وەرزى پایز (ئەیلول- کانوونى یەکەم) ئەنجام بدەن.

نوێنەرایەتى حکومەتى هەرێمى کوردستان لە وویلایەتە یەکگرتووەکانى ئەمریکا کاردەکات بۆ پەرەپێدان و زیاتر بەهێزکردنى پەیوەندیەکانى هەرێمى کوردستان لە ئەمریکا لە ڕووى بەرژەوەندیە سیاسى و ئابورى و کەلتوریەکان. نوێنەرایەتى حکومەتى هەرێمى کوردستان زانیارى دروست و نوێ و گشتگیر دەربارەى هەرێمى کوردستانى عێراق پێشکەش دەکات و هەروەها شوێنێکە کە دەتوانرێت پەیوەندى پێوەبکرێت لە کاتى بوونى هەر پرسیارێک و پەیوەندیەک و لەگەڵ بوونى دەرفەت بۆ دامەزراوەکانى ئەمریکا و داڕێژەرانى سیاسەت. ئەو قوتابیانەى کە وەردەگیرێن لە ڕێگاى ئەم بەرنامەیەوە هیچ دەرماڵەیەکیان بۆ خەرج ناکرێت.

ئەرک و بەرپرسیارێتى قوتابى لە ماوەى کارکردنى لە نوێنەرایەتى حکومەتى هەرێم ئەم کارانەى خوارەوە دەگرێتەوە:

• بەشدارى کردن لە چالاکیەکانى دامەزراوە هزریەکان و کۆنگرێس کە پەیوەندیان بە هەرێمى کوردستانەوە هەیە.
• ئامادەکردنى پوختەى ڕاپۆڕتى شیکارى دەربارەى پانێلەکانى گفتوگۆ و هەروەها ئەو یاسا و بڵاوکراوانەى کە دەردەچن.
• هاوکارى بکات لە ئامادەکردن و هەماهەنگى بۆ شاندەکانى هەرێمى کوردستان کە سەردانى ئەمریکا دەکەن.
• ئامادەکردنى هەواڵ و چاڵاکى بۆ ماڵپەڕى نوێنەرایەتى حکومەتى هەرێم لە ئەمریکا و پێگەکانى لە تۆڕە کۆمەڵایەتیەکان.
• چاودێرى کردنى بەشى پێشوازى لە میوانان و پێشکەش کردنى هاوکارى کار بە هەموو کارمەندانى نوێنەرایەتیەکانى حکومەتى هەرێم لە ئەمریکا.
• کارکردن و تەواوکردنى ئەو پڕۆژە تایبەتیانەى کە لێى داوا دەکرێن و هەروەها ئامادەکردنى ڕاپۆڕت و ڵێکۆڵینەوەى سەربەخۆ دەربارەى ئەو بابەتانەى پەیوەندارن بە هەرێمى کوردستانى عێراق.

ئاست و تواناى قوتابیەکە:

• پێویستە لەکاتى پێشکەش کردنى داواکاریەکەدا قوتابى خوێندنى بەکالۆریۆس یاخود ماستەر بێت.
• بەهرە و توانایەکى بەهێزى هەبێت لەڕووى تواناکانى پەیوەندى کردن بە هەردوو شێوەى نووسین و زارەکى.
• بەهرە و توانایەکى بەهێزى هەبێت لە ڕووى کارگێڕیەوە ( جەخت لەسەر ووردەکارى بابەتەکان بکاتەوە و تواناى ئەنجامدانى چەندین ئەرکى هەبێت).
• بەهرە و توانایەکى بەهێزى هەبێت لە ڕووى ئەنجامدانى کارى لێکۆڵینەوە.
• بەهرە و توانایەکى بەهێزى هەبێت لە بەرنامەکانى کۆمپیوتەر (بەتایبەتى بەرنامەکانى مایکرۆسۆفت وۆرد، ئێکسڵ، پاوەرپۆینت).
• تواناى ئەوەى هەبێت بەشێوەى تەنها و سەربەخۆ یاخود بەشێوەى گروپ کاربکات.
• وا باشترە لە کاتى پێشکەش کردنى داواکاریەکە، قوتابیەکە دانیشتووى ئەمریکا بێت.

بە چ ڕێگایەک دەتوانى داواکارى پێشکەش بکەیت:

ئەو قوتابیانەى ئارەزوودەکەن داواکارى پێشکەش بکەن دەتوانن نامەیەک کە هاوپێچ کرابێت لەگەڵ سى ڤى و نموونەیەک لە نووسینەکانیان کە لە (٢ بۆ ٣ ڵاپەڕە زیاتر نەبێت) بۆ ئەم ناونیشانى ئیمەیڵە بنێرن (tara.hamawandi@us.gov.krd ). هەروەها تکایە لە بابەتى ناونیشانى ئیمەیڵەکە بنووسن ("KRG-US Internship").

ئەدرێسى نوێنەرایەتى حکومەتى هەرێم لە ئەمریکا: 1532 16TH ST NW, WASHINGTON, DC, 20036 US.