نوێنەرى حکومەتى هەرێمى کوردستان پێشوازیکرد لە پارێزگارى سلێمانى

 

پارێزگارى هەولێرلە واشنتۆن چاویکەوت بە بەرپرسانى وەزارەتى دەرەوەى ئەمریکا و ئاژانسى (USAID) و دامەزراوە هزرییەکان و وەبەرهێنەران

 

ئومێد خۆشناو پارێزگارى هەولێر و شاندى یاوەرى کۆتاییان بە سەردانە سەرکەوتووە یەک هەفتەییەکەیان هێنا بۆ واشنتۆن کە لەو ماوەیەدا چاویانکەوت ئەندامانى کۆنگرێس و بەرپرسانى وەزارەتى دەرەوەى ئەمریکا و ئاژانسى (USAID) و پەیمانگاى ئاشتى ئەمریکى و هەروەها پێشووتریش لە شارى ناشڤیل زنجیرەیەک کۆبوونەوەیان لەگەڵ بەرپرسان هەبوو.

پارێزگارى هەولێر بە سەرۆکایەتى شاندێک سەردانى شارى ناشڤیل یکرد بۆ هاندانى دەستە خوشکى نێوان هەردوو شار

 

ئومێد خۆشناو پارێزگارى هەولێر بە سەرۆکایەتى شاندێکى باڵاى پارێزگاى هەولێر سەردانى شارى ناشڤیل یکرد لە وویلایەتى تێنیسى بۆ پەرەپێدانى پەیوەندییەکان لە بوارى دەستە خوشکى لەنێوان هەردوو شاردا بەتایبەتى کە ژمارەیەکى زۆر ڕەوەندى کوردستانى لەو شارەدا دەژین.

پارێزگارى هەولێر و کۆنگرێسمان چابۆت هاوپەیمانێتى ئەمریکا و کوردستانیان بەرزنرخاند لە دژى داعش

 

لە ڕێکەوتى ٢٠/٥/٢٠٢٢، ئومێد خۆشناو پارێزگارى هەولێر و بەیان سامى عبدالرحمن نوێنەرى حکومەتى هەرێمى کوردستان لە ئەمریکا چاویانکەوت بە کۆنگرێسمان ستیڤ چابۆت ئەندامى کۆمیتەى کاروبارى دەرەوە.

پارێزگارى هەولێر و نوێنەرى حکومەتى هەرێم چاویانکەوت بە کۆنگرێسوومان هارتزلەر

 

 لە ڕێکەوتى ٢٠/٥/٢٠٢٢، ئومێد خۆشناو پارێزگارى هەولێر و بەیان سامى عبدالرحمن نوێنەرى حکومەتى هەرێمى کوردستان لە ئەمریکا چاویانکەوت بە کۆنگرێسوومان ڤیکى هارتزلەر ئەندامى کۆمیتەى کاروبارى هێزە چەکدارەکان.

نوێنەرى حکومەتى هەرێمى کوردستان و کۆنگرێسمان جەیسن کرۆ باسیان لە دوایین بەرەوپێشچوونەکانى کوردستان و عێراق کرد

 

نوێنەرى حکومەتى هەرێمى کوردستان لە ئەمریکا بەیان سامى عبدالرحمن چاویکەوت بە کۆنگرێسمان جەیسن کرۆ ئەندامى کۆمیتەى کاروبارى هێزە چەکدارەکان و هاوسەرۆکى گروپى دۆستانى کورد لە کۆنگرێسى ئەمریکا.

نوێنەرى حکومەتى هەرێمى کوردستان و کۆنگرێسمان سێث مۆڵتۆن باسیان لە دوایین بەرەوپێشچوونەکانى کوردستان و عێراق کرد

 

نوێنەرى حکومەتى هەرێمى کوردستان لە ئەمریکا بەیان سامى عبدالرحمن چاویکەوت بە کۆنگرێسمان سێث مۆڵتۆن ئەندامى کۆمیتەى کاروبارى هێزە چەکدارەکان و پێشووتر ناوبراو لە عێراق خزمەتى سەربازى کردووە.

شاندى پارێزگاى دهۆک کۆتاییان بە سەردانە یەک هەفتەییەکەیان هێنا لە واشنتۆن

 

دکتۆر عەلى تەتەر پارێزگارى دهۆک و ڕۆژبینا عەزیز ئەندامى پەرلەمانى کوردستان لە کوتلەى ئاشورییەکان کۆتاییان هێنا بە چەندین کۆبوونەوەى سەرکەتوو و بەرهەمدار لە واشنتۆن کە چاویانکەوت بە ئەندامانى کۆنگرێس و سینات و کۆشکى سپى و وەزارەتى دەرەوە و ئاژانسى پەرەپێدانى نێودەوڵەتى (USAID) و چەندین دامەزراوە و رێکخراوى تر. ئامانج لە سەردانەکە تیشک خستنە سەر دۆخى ئابورى و ئاسایش و مرۆیى بەگشتى و پارێزگاى دهۆک بەتایبەتى. پارێزگاى دهۆک ناسراوە ب گەشتوگوزار و بازرگانى و ناوچەیەکى ئارام بۆ ئەو پەنابەر و ئاوارانەى ڕوویان لە هەرێمى کوردستان کردووە کە ژمارە یەک ملیۆن و نیو دەبوو و نزیکەى ٥٣٧ هەزار لەم ژمارەیە لە پارێزگاى دهۆک نیشتەجێبوون. هەروەها رێژەى ٧٠% ئاوارەى ئێزیدییەکان کە قوربانى دەستى داعش بوون لە پارێزگاى دهۆک نیشتەجێن.

نوێنەرایەتى حکومەتى هەرێمى کوردستان ئاهەنگى جەژنى نەورۆزى لە واشنتۆن ئەنجامدا

 

 نوێنەرایەتى حکومەتى هەرێمى کوردستان لە وویلایەتە یەکگرتووەکانى ئەمریکا ئاهەنگى جەژنى نەورۆز و سەرى ساڵى  تازەى کوردى و هاتنى وەرزى بەهارى ئەنجامدا.

نوێنەرایەتى حکومەتى هەرێمى کوردستان چەندین کۆبوونەوەى هەبوو لەگەڵ کۆنگرێسى ئەمریکا

 

نوێنەرایەتى حکومەتى هەرێمى کوردستان لە وویلایەتە یەکگرتووەکانى ئەمریکا چەندین کۆبوونەوە و دیدارى جیاوازى هەبوو لەگەڵ ئەندامانى کۆنگرێس و ستافى کۆنگرێسى سەبارەت بە دانوستاندنە سیاسیەکانى پێکهێنانى حکومەتى داهاتووى عێراق و بڕیارى دادگاى باڵاى فیدراڵى و هێرشە مووشەکیەکەى سەر هەرێمى کوردستان.

نوێنەرى حکومەتى هەرێم چاویکەوت بە بەرپرسى کاروبارى ئابورى عێراق لە وەزارەتى دەرەوەى ئەمریکا

 

لە ڕێکەوتى ٢٤/٣/٢٠٢٢ بەیان سامى عبدالرحمن نوێنەرى حکومەتى هەرێمى کوردستان لە ئەمریکا چاویکەوت بە جاک ئێتیەن بەرپرسى کاروبارى عێراق لە فەرمانگەى کاروبارى ڕۆژهەڵاتى نزیک لە وەزارەتى دەرەوەى ئەمریکا.

سەردانى ئەندامى دەستەى کارگێڕى دەزگاى خێرخوازى بارزانى بۆ نوێنەرایەتى حکومەتى هەرێمى کوردستان

 

لە ڕێکەوتى ٢١/٣/٢٠٢٢ بەیان سامى عبدالرحمن نوێنەرى حکومەتى هەرێمى کوردستان لە ئەمریکا و تيمى نوێنەرایەتى حکومەت پێشوازیانکرد لە ئاوات مستەفا ئەندامى دەستەى کارگێڕى دەزگاى خێرخوازى بارزانى. لە دیدارەکە ئاوات مستەفا باسى لە دۆخى مرۆیى هەرێمى کوردستان کرد و ئەو خزمەتگوازرییە جیاوازانەى دەزگاى خێرخوازى بارزانى پێشکەشى دەکات.

سەردانى شاندى زانکۆى ئەمریکى لە کوردستان بۆ نوێنەرایەتى حکومەتى هەرێمى کوردستان

 

لە ڕێکەوتى ٢١/٣/٢٠٢٢ بەیان سامى عبدالرحمن نوێنەرى حکومەتى هەرێمى کوردستان لە ئەمریکا و تيمى نوێنەرایەتى حکومەت پێشوازیانکرد لە شاندێکى زانکۆى ئەمریکى لە کوردستان بە سەرۆکایەتى دکتۆر ڕانداڵ ڕۆدیس. سەرۆکى شاندەکە پوختەیەکى پێشکەش کرد دەربارەى ئامانجى سەردانى شاندەکە بۆ ئەمریکا و بەرنامە و زەماڵاتى خوێندن لە زانکۆى ئەمریکى لە کوردستان. هەروەها شاندەکە ئەوەیان خستەڕوو لە چوارچێوەى بەرنامەى سەردانەکەیان کە دوو مەراسیمى پێشوازى ئەنجام دەدەن یەکەمیان لە ڕێکەوتى ٢٢ى ئادار لە واشنتۆن و دووەمیان لە ناشڤیل لە ڕێکەوتى ٢٦ى ئادار لە وویلایەتى تێنیسى.

ساڵیادى کیمیابارانى هەڵەبجەى شەهید بەرزڕاگیرا لە واشنتۆن

 

لە ڕێکەوتى ١٦/٣/٢٠٢٢ نوێنەرایەتى حکومەتى هەرێمى کوردستان لە ئەمریکا بە ئامادەبوونى جێنیفەر گاڤیتۆ جێگرى یاریدەدەرى وەزیرى دەرەوەى ئەمریکا و سیناتۆر کریس ڤان هۆڵین و ئازاد تۆفیق پارێزگارى هەڵەبجەى شەهید هەڵسا بە بەرزڕاگرتنى یادى کیمیابارانکردنى هەڵەبجەى شەهید. ئەم مەراسیمە بەشێوەى ئۆنڵاین ئەنجامدرا بۆ یادى ٣٤ هەمین ساڵیادى جینۆسایدى هەڵەبجەى شەهید کە لە ١٦ى ئادار زیاتر لە پێنج هەزار کەس شەهیدبوون و زیاتر لە دە هەزار کەس برینداربوون.

سەرۆکى حکومەتى هەرێمى کوردستان چاویکەوت بە شاندى ئەنجومەنى بازرگانى ئەمریکا کوردستان

 

شاندێکى کۆمپانیا ئەمریکیەکان لەژێر چەترى ئەنجومەنى بازرگانى ئەمریکا کوردستان چاویانکەوت بە سەرۆک وەزیران مەسرور بارزانى و بەرپرسانى باڵاى تر لە هەرێمى کوردستان لە کاتى سەردانەکەیان لە ماوەى نێوان ٦ بۆ ٩ى ئادارى ٢٠٢٢.

نوێنەرایەتى حکومەتى هەرێمى کوردستان لە وویلایەتە یەکگرتووەکانى ئەمریکا هاوکارە لەگەڵ ئەنجومەنى بازرگانى ئەمریکا کوردستان لە ڕێکخستنى سەردانى شاندێکى کۆمپانیاکان بۆ کوردستان

 

نوێنەرایەتى حکومەتى هەرێمى کوردستان لە ئەمریکا و ئەنجومەنى بازرگانى ئەمریکا کوردستان بەیەکەوە بەرنامەى سەردانى شاندێکى بازرگانیان بۆ هەرێمى کوردستان ڕێکخستووە بۆ هەفتەى داهاتوو. شاندەکە پێکدێت لە نزیکەى ٢٠ کەس کە نوێنەرایەتى ١٢ کۆمپانیاى جیاوازدەکەن و لە ماوەى سەردانەکەیاندا چاویان دەکەوێت بە بەرپرسانى باڵاى هەرێمى کوردستان و کۆمپانیا کوردستانیەکان و ژوورەکانى بازرگانى و پیشەسازى. کۆمپانیا بەشداربووان لە بوارە جیاوازەکان کاردەکەن لەنێوانیاندا پیشەسازى  خۆراک، ووزە، تەکنەلۆژیا، نیشتەجێبوون و هونەرى دیجیتاڵى.

نوێنەرى حکومەتى هەرێمى کوردستان چاویکەوت بە کۆمسیارى ئازادى ئایینى نێودەوڵەتى

 

لە ڕێکەوتى ٢/٣/٢٠٢٢، بەیان سامى عبدالرحمن، نوێنەرى حکومەتى هەرێمى کوردستان لە ئەمریکا چاویکەوت بە نادین مەینزا کۆمسیارى کۆمسیۆنى ئەمریکى بۆ ئازادى ئایینى نێودەوڵەتى. هەردوولا لە کۆبوونەوەکەدا گفتوگۆیانکرد دەربارەى کارەکانى کۆمسیۆنەکە لەسەر دۆخى ئازادى ئاینى لە جیهان و عێراق و هەرێمى کوردستان.

کۆبوونەوەى نوێنەرى حکومەتى هەرێمى کوردستان لەگەڵ نێردەى تایبەتى ئەمریکا بۆ هاوپەیمانى نێودەوڵەتى دژ بە داعش

 

ڕۆژى پێنج شەممە ڕێکەوتى ٢٠/١/٢٠٢٢ بەیان سامى عبدالرحمن، نوێنەرى حکومەتى هەرێمى کوردستان لە ئەمریکا بەشێوەى وێبینار چاویکەوت بە جۆن گۆدفرەى نێردەى تایبەتى ئەمریکا بە وەکاڵەت بۆ هاوپەیمانى نێودەولەتى بۆ لەناوبردنى داعش.

نوێنەرى حکومەتى هەرێمى کوردستان چاویکەوت بە باڵیۆزى کەنەدا بۆ عێراق

 

ڕۆژى پێنج شەممە ڕێکەوتى ٢٠/١/٢٠٢٢ بەیان سامى عبدالرحمن، نوێنەرى حکومەتى هەرێمى کوردستان لە ئەمریکا بەشێوەى وێبینار چاویکەوت بە گرێگ گالیگان باڵیۆزى داهاتووى کەنەدا بۆ عێراق و یێڤس دوڤاڵ بەرپرسى نوێنەرایەتى کەنەدا لە هەرێمى کوردستان.

نوێنەرى حکومەتى هەرێمى کوردستان چاویکەوت بە ماثیۆ ستەینلفێر جێگرى یاریدەدەرى وەزیرى دەرەوەى ئەمریکا

 

ڕۆژى چوار شەممە ڕێکەوتى ١٩/١/٢٠٢٢ بەیان سامى عبدالرحمن، نوێنەرى حکومەتى هەرێمى کوردستان لە ئەمریکا بەشێوەى وێبینار چاویکەوت ماثیۆ ستەینلفێر جێگرى یاریدەدەرى وەزیرى دەرەوەى ئەمریکا لە نووسینگەى ئاڵۆزییەکان و ئۆپەراسیۆنەکانى سەقامگیرى.

نوێنەرى حکومەتى هەرێمى کوردستان و کونسوڵى گشتى ئەمریکا تاوتوێى پەیوەندییە دووقۆڵیەکانیان کرد

 

ڕۆژى پێنج شەممە ڕێکەوتى ٦/١/٢٠٢٢، نوێنەرى حکومەتى هەرێمى کوردستان لە وویلایەتە یەکگرتووەکانى ئەمریکا بەیان سامى عبدالرحمن چاویکەوت بە ڕۆبەرت پاڵدینۆ کونسوڵى گشتى ئەمریکا لە هەرێمى کوردستان لە کاتى گەڕانەوەیان بۆ واشنتۆن.