ھەینی 16 نیسان 2021

کۆبوونەوەى نوێنەرى حکومەتى هەرێمى کوردستان کۆبوونەوەى لەگەڵ ئەندامانى کۆنگرێس  



نوێنەرى حکومەتى هەرێمى کوردستان لە ئەمریکا بەیان سامى عبدالرحمن ژمارەیەک کۆبوونەوەى هەبوو لەگەڵ ئەندامانى کۆنگرێسى ئەمریکا دەربارەى دوایین دۆخى ئاسایشى هەرێمى کوردستان و عێراق و هەروەها بابەتەکانى پەیوەندارەکانى تر لەنێوانیاندا کۆبوونەوەى دیالۆگى ستراتیژى ئەمریکا وعێراق و هەڵبژاردنى داهاتووى پەرلەمانى عێراق.

بەیان سامى عبدالرحمن بەشێوەى جیا کۆبوونەوەى هەبوو لەگەڵ کۆنگرێسمان ئەندرى کارسن نوێنەرى وویلایەتى ئیندیانا و کۆنگرێسمان جیم هایمس نوێنەرى وویلایەتى کۆنتیکەت  کە هەردووکیان ئەندامى لێژنەى هەمیشەیى کۆنگرێسن بۆ هەواڵگرى و  هەروەها کۆنگرێسمان ڕیک لارسین نوێنەرى واشنتۆن کە ئەندامى کۆمیتەى هێزە چەکدارەکانە.

لە کۆبوونەوە لەگەڵ کۆنگرێسمان هایمس گفتوگۆکرا دەربارەى پەسەندکردنى یاساى بودجەى عێراقى و کاریگەرییەکانى ئەم یاسایە لەسەر هەرێمى کوردستان لە ڕووى ئابورى و پەیوەندییەکان لەگەڵ بەغدا، و هەروەها پرسە ئەمنیەکانى ترى ناوچەکە.

هەروەها لە کۆبوونەوە لەگەڵ هەردوو کۆنگرێسمان کارسن و  لارسن جگە لە گفتوگۆکردن لەسەر ئەم پرسانەى سەرەوە و ژمارەیەکى پرسى تر گفتوگۆى لەسەر کرا لەوانە ھەڕەشە بەردەوامەکانى داعش و گرنگى دیالۆگى ستراتیژى ئەمریکى عێراقى و گرنگى ئەنجامدانى هەڵبژاردنێکى شەفافانە.

نوێنەرایەتى حکومەتى هەرێمى کوردستان شانازى بە پشتگیرى تەواوى ئەندامانى کۆنگرێس دەکات لە پارتە جیاوازەکان.