لە وەڵامی زیادبوونی ئاڵنگارییە ئابوری و ئاسایشییەکان کە ڕووبەڕووی هەرێمی کوردستان بۆتەوە، تریفە عەزیز نوێنەری حکومەتی هەرێم دیدار و کۆبوونەوەکانی لەگەڵ کۆنگرێس چڕکردەوە بۆ جەختکردنەوە لە پتەوکردنی هاوبەشێتی ئەمریکا و هەرێمی کوردستان و بەدەستهێنانی پشتگیری بەردەوام بۆ هەرێمی کوردستان.
لەماوەی مانگی ڕابردوودا، نوێنەرایەتی حکومەتی هەرێمی کوردستان بەرنامەیەکی چڕی دیدار و کۆبونەوەی هەبوو لەگەڵ ئەندامان و نووسینگە سەرەکیەکانی کۆنگرێس و سینات، لەنێوانیاندا کۆمیتە پەیوەندارەکانی هەردوو ئەنجومەنی نوێنەران و پیران. ئەم هەوڵانەش لەژێر ڕۆشنایی پێویستی بەردەوامی پشتگیری و بەشدارییەکانی ئەمریکا.
لە کۆبوونەوەی نوێنەری حکومەتی هەرێم، تریفە عەزیز لەگەڵ کۆنگرێسوومان ئانا پاولینا لونا، ئەندامی کۆمیتەی کاروباری پەیوەندییەکانی دەرەوە، گفتوگۆکرا لەسەر بەرەوپێشچوونەکانی دۆخی ئاسایشی عێراق و ناوچەکە. لەلای خۆیەوە کۆنگرێسوومان لونا دووپاتی پشتگیرییەکانی کردەوە بۆ هێزەکانی پێشمەرگە و بەرزنرخاندنی ڕۆلیان لە پاراستنی سەقامگیری ناوچەکە.
هەروەها نوێنەری حکومەتی هەرێم چاویکەوت بە کۆنگرێسمان پات هاریجان، ئەندامی کۆمیتەی کاروباری هێزە چەکدارەکان. لە کۆبونەوەکەدا گفتوگۆکرا لەسەر پەیوەندی ستراتیژی لە مێژێینەی نێوان هەرێمی کوردستان و ئەمریکا، دوایین بەرەوپێشچوونەکانی لەڕووی سیاسی و سەربازی و گرنگی پاراستنی مافە دەستورییەکانی هەرێمی کوردستان لە عێراق.
