نوێنەرایەتی حکومەتی هەرێمی کوردستان لە ئەمریکا خۆشحاڵبوو بە پێشوازییکردن لە شاندی پارتی یەکسانی گەلان و دیموکراسی (دەم پارتی)، کە یەکێکە لە هێزە سەرەکیەکان کە نوێنەرایەتی کورد و دەنگە دیموکراسیخوازەکان دەکات لە تورکیا.
سەردانەکە دەرفەتێکی گرنگ بوو بۆ دیالۆگێکی مانادار لەسەر داواکارییەکانی کورد و گرنگی هەماهەنگی نێوان هەردوولا. نوێنەری حکومەتی هەرێم تریفە عەزیز و شاندی دەم پارتی گفتوگۆیاکی قووڵیان هەبوو لەسەر بەرەپێشچوونەکانی دیموکراسی و ئاڵنگارییەکانی ناوچەکە و پەیوەندییەکانی نێوان هەرێمی کوردستان و هێز و لایەنە کوردییەکانی دەرەوەی هەرێمی کوردستان.
وەک جێگرەوەی پارتی دیموکراتی گەلان (هەدەپە)، دەم پارتی هێزێکی کاریگەری سیاسیە لە تورکیا کە بەرگری دەکات لە مافی کەمینەکان و یەکسانی ڕەگەز وچاکسازی دیموکراسی. دەم پارتی بەردەوامە لەسەر هەوڵدان بۆ حکومڕانی گشتگیر و چارەسەری ئاشتیانە بۆ پرسی نەتەوەکان و کەلتور. بەرنامەکانی دەم پارتی هاوتەریبە لەگەڵ کار و بەرنامەی درێژخایەنی حکومەتی هەرێم بۆ فرەیی و پێکەوەژیان و مافەکانی مرۆڤ.
ئەندامانی شاندەکە پێکهاتبوون لە ئەندامانی پەرلەمانی تورکیا و سەرکردایەتی پارتەکە و نوێنەری پارتەکە لە ئەمریکا. سەردانەکە ڕەنگدانەوەی ئارەزووی هاوبەش بوو بۆ یەکڕیزی نێوماڵی کورد و هەوڵدان بۆ سەقامگیری ناوچەکە و بەهێزکردنی ڕۆڵی کورد لەسەر ئاستی نێودەوڵەتی.
تریفە عەزیز، نوێنەری حکومەتی هەرێم دووپاتی کردەوە کە حکومەتی هەرێم پشتگیری دەکات لە دیالۆگ و چارەسەری ئاشتیانە و دیموکراسی دۆزی ڕەوای گەلی کورد و گرنگی دروستکردنی شەراکەت لەسەر بنەمای ڕێزگرتنی هاوبەش و یەکگرتوویی و ئامانجی هاوبەش و چارەی خۆنووسین.
نوێنەرایەتی حکومەتی هەرێم دەڕوانێتە پەیوەندی بەردەوام لەگەڵ دەم پارتی و لایەنەکانی تر کەکاردەکەن لەسەر پرۆسەی دیموکراسی و داهاتوویەکی گشتگیر بۆ هەموو کورد.
