شاندێکی پێشمەرگە سەردانی نوێنەراتی حکومەتی هەرێمی کوردستانی لە واشنتۆن کرد

نوێنەرایەتی حکومەتی هەرێمی کوردستان لە واشنتۆن پێشوازیانکرد لە شاندێکی باڵای سەربازی و پێشمەرگەی وەزارەتی کاروباری پێشمەرگە و نووسینگەی سەرۆکایەتی هەرێمی کوردستان. شاندەکە لە واشنتۆن بوون بۆ بەشداریکردن لە خولی ئەفسەرانی گشتی عێراقی بۆ ساڵی ٢٠٢٥ بە سپۆنسەری وەزارەتی دەرەوەی ئەمریکا لە زانکۆی بەرگری نیشتیمانی. 

خولی ئەفسەرانی گشتی دیزاینکراوە بۆ بەهێزکردنی هەماهەنگی سەربازی -مەدەنی ئەویش لە ڕێگای ئاشناکردنی ئەفسەران بە دامەزراوە بەرگرییەکانی ئەمریکا و هەماهەنگی نێوان دامەزراوەکان و بنەماکانی سەرکردایەتی. ئەم خولە وەک سەکۆیەکە لە بەرەوپێشبردنی چاکسازی کەرتی سەربازی و قووڵکردنەوەی هاوبەشێتی بەرگری لەنێوان عێراق و هەرێمی کوردستان و ئەمریکا.

 لە میانی سەردانەکەیاندا بۆ نوێنەرایەتی حکومەتی هەرێم، شاندەکە تیشکیان خستەسەر دۆخی ئاسایشی هەرێمی کوردستان و سەقامگیری ناوچەکە و بەرەنگاربوونەوەی هەڕەشەکانی سەردەمیانە وەک هێرشەکانی درۆن و جەنگی تێکەڵاو و گرنگی بەردەوامی هەماهەنگی لەگەڵ دامەزراوە بەرگرییەکانی ئەمریکا. ئەم سەردانە ئەوەی دووپاتکردەوە کە حکومەتی هەرێمی کوردستان پابەندە بە مۆدێرنکردنی هێزەکانی پێشمەرگە و بەرەوپێشبرنی چاکسازییە دامەزراوەییەکان بە هەماهەنگی لەگەڵ هاوبەشە نێودەوڵەتیەکان. هەروەها دووپاتکردنەوەی پەیوەندی پتەوی نێوان ئەمریکا و هەرێمی کوردستان لە بەرەوپێشبردنی بەرنامە لە پێشینە هاوبەشەکان لەڕووی سەقامگیری و ئاسایش و پرۆفێشناڵی سەربازی. 

نوێنەرایەتی حکومەتی هەرێمی کوردستان سوپاس و پێزانینیان هەبوو بۆ ئەندامانانی شاندەکە بۆ سەردانەکەیان و ڕێز و پێزانینان هەبوو بۆ خەباتی هێزەکانی پێشمەرگە لە پاراستنی ئاسایش و داهاتووی هەرێمی کوردستان.