دووشەممە 28 ئازار 2022

نوێنەرایەتى حکومەتى هەرێمى کوردستان چەندین کۆبوونەوەى هەبوو لەگەڵ کۆنگرێسى ئەمریکا  



بەیان سامى عبدالرحمن نوێنەرى حکومەتى هەرێمى کوردستان لە ئەمریکاچاویکەوت بە ئەندامانى کۆنگرێس هەریەک لە لیزا مەکلەین، ڤێرۆنیکا ئێسکۆبار، و مایک گالەگەر (لە وێنەى سەرەوەدا دیارە)، هەروەها هەروەها ئەندامانى کۆمیتەى کاروبارى سەربازى هەریەک لە: مارکەواین مولین، ئەندامى کۆمیتەکانى هەواڵگرى و ووزە، کریس ستیوارت ئەندامى کۆمیتەکانى دابینکردن و هەواڵگرى و هاوسەرۆکى گروپى دۆستایەتى کوردستان لە کۆنگرێس.

هەروەها نوێنەرى حکومەتى هەرێمى کوردستان کۆبوونەوەى هەبوو لەگەڵ ستافى کۆمیتەى کاروبارى دەرەوەى سینات و ستافى باڵاى نووسینگەکانى ئەندامانى کۆنگرێس و سینات.

لە کۆبوونەوەکاندا، بەیان سامى عبدالرحمن باسى لە دوایین بەرەوپێشچوونەکان کرد و داواى پشتگیرى و هاوکارى وویلایەتە یەکگرتووەکانى ئەمریکاى کرد بەتایبەتى دواى هێرشە مووشەکیەکەى سەر خانووى هاوڵاتیانى مەدەنى لە شارى هەولێر لە رێکەوتى ١٣ ئادار. لەلاى خۆیانەوە ئەندامانى کۆنگرێس نیگەرانى خۆیان دەربڕى و پشتگیرى خۆیان دووپاتکردەوە لە دڵنیابوون لە پێشکەشکردنى هاوکارى بە هێزەکانى پێشمەرگە لە ڕووى کەلوپەلى پێویست و ئامادەییان بۆ ڕووبەڕووبوونەوەى هەڕەشەکانى داهاتوو.